KHADC, deficit budget-ko parakata

Shillong: Khasi Hills Autonomous District Council (KHADC)-ni CEM, Pyniaid Sing Syiem, Sonibar salo Council-ni 2023-23 bilsini 55,080 deficit budget-ko session-o parakangaha.
Koros chamsoara 253,12,59,690 ong·a, indake estimate revenue ba man·a ka·dongsoara 253,12,04,610 ong·a.
Summer session-o budget speech-ko on·ataon ba aganprakataon, Syiem, “budget extimate-o deficit ong·ako parakataha.
Indiba Syiem, house-na ‘Executive Committee, Council-ni revenue generation ba man·a ka·donganirangko namdapatna jotton ka·angge’ ine ka·dongataha.
Indake ong·engon KHADC-ni CEM, a·dok sorkarini batanggimin bilsirang (2020-2021 aro 2021-2022)-o 15th Finance Commission-o watgipa tangka paisarangni giminba u·iataha.
Bilsi 2020-2021-ni gnigipa installment fund ba tangkako bilsi 2022-2023-o 15th Finance Commission-ni gita man·soaha.
“Man·sokugijaenggipa ba bangka fund-ni tangkako mikkangchi ta·raken sorkarioniko man·sona ka·dongenga ineba CEM aganaha.
Iarangni gisepo council-ni gital office-ko New Shillong Township-ona jitatna ua joloniko a·ako Council-na on·na, a·dok sorkario mol·molgen, maina da·o Garikhana-o donggipa Council-ni office-ni biap namen apchangketa. Uni gimin EC, office-ko New Shillong Township-ona a·palbata biapona jitatna nangnikenga ine Syiem, u·aitangkuaha.
Iarangna agreba Mawsynram aro Riangdo-o rikenggipa market complex aro Bishop’s Fall, Mawlai-o rikenggipa tourist spot-ni kamrang namen re·enga. Una agreba Council-ni ning·o ga·akgipa songrang aro locality-rangko rongtal-an·tale rakkina jotton ka·beenga, Council, Delhi-o ong·atgipa solid waste management-ni seminar-o bak ra·aha ineba u·iataha.
Indake ong·engon KHADC CEM, session-ona Khasi Hills Autonomous District Council Service (Amendment) Rules 2023 aro Khasi Hills Autonomous District Council (Protection and Promotion of Khasi Traditional Medicines) (First Amendment) Bill, 2023-koba chanchirimna ra·angaha.