SHILLONG: Manipur a·doko dingtang dingtang jatrangni gisepo dinggrikanichi so·sojengjeng ong·aniko namatchipna man·jaengani gimin aro Manipur a·dokni bang·a manderang dingtang dingtang a·dokrango katnaptokengahani gimin so·sojengjeng ong·anirangko namatna aro katbrangna nangenggipa manderangko tom·tomao a·doktangona sokatpilna gita ja·kurangko de·china Sonibar salo, Meghalaya a·dokni Chief Minister aro NPP-ni national president Conrad K Sangma, ma·mong sorkarina agan-ku·pattianiko on·angaha.
Manipur a·doko ong·enggipa obostarangni bidingo chanchirimna gita Sonibar salo, Union Home Minister Amit Shah-ni tom·aniko ong·atanio a·dokni Chief Minister Conrad Sangma, Manipur-o tom·tomaniko ra·bapilna gita man·na gita ja·kurangko de·china ma·mong sorkariko didiataha.
Ia tom·anio, NPP aro BJP-ko man·chape salgro salaram joloni dol 18 political dolrang, MP sakgni aro chief minister sakgni bakko ra·angaha aro pilak dilgiparangan, Manipur a·doko ong·enggipa obostarangko namatna nangengani gimin ma·mong sorkarina agan-ku·pattianirangko on·angaha.
“Manipur a·doko ong·enggipa obostarangko namatchina gita NPP, ma·mong sorkariko didiangaha aro Manipur a·doko tom·tomaniko ra·bapilna man·na gita pilak dolrangkon nangrime kam ka·na nangengani gimin ku·pattianiko on·angaha,” ine Sangma parakataha.
Manipur a·doko tom·tomaniko ra·bapilna man·na gita so·sojengjeng ong·atenggipa dolrangni kosako rakbatsranggipa ja·kurangko de·china gitaba ma·mong sorkariko didiangaha ine Chief Minister parakataha.
Sangma-ni parakatani gitade, Manipur a·doko so·sojengjeng ong·enganichi neng·nikanirangko chagrongna nangenggipa manderangna chu·onga gita cha·ani ringani aro gipin nangchongmota bosturangko sokate on·chinaba ia tom·anio NPP, ma·mong sorkariko didiangaha.
So·sojengjeng ong·enggipa Manipur a·dokona a·songni Prime Minister Narendra Modi-ko re·ange nichina gitaba Chief Minister mol·molataha.
