BJP-ni BJYM, a·doko party-ko bilakbatatna memborrangko seoka

SHILLONG: BJP-ni Bharatiya Janata Yuva Morcha (BJYM) youth wing, mikkang bilsio ong·nasienggipa Lok Sabha election-rangna uamangni dolko a·ba-chenga  gadangonin bilak-batatna memborrangko seokaha. Deepan G Momin aro Akki M Sangma-maangko vice president-rangna, Joydeep Ghosh aro Anish M Sangma-maang general secretary-rangna, Koster Diengdoh, Secretary aro Varun Kumar, Treasurer-na seokaha uamangko seokana agreba sak dok executive memborrangkoba seokaha.
Modi sorkarini bilsi 9 gapaniko maniani bak gita yuva morcha, uamangni mahasampark abhiyan-ni gita a·dokni skanggipa changna puongiparangna sokatangaha. Ma·mongo BJP-chi dilenggipa NDA sorkarini chu·sokanirangni bidingo online gita sorkariko rikanirangna sing·anirangko June 24 aro 25-o a·songni gita ong·ataha jeon Meghalaya a·dokoni chadamberang bakko ra·angaha aro jemangan quiz-o bakko ra·a chu·ongnikaniko man·-giparangna mikkim-rasongni certificate-rangko on·aha.
Ong·nasienggipa lok sabha election-rango jemangan party-na kamko ka·na  sika ua gisiko skani donggipa chadamber-rangko membor segatani-rangko dakna BJYM re·baenga jarango pilak district-rangona aro party-ni mandal unit-rangona re·anggen. Meghalaya-ni chadamberangna namgni ong·gipa scheme-rangko Modi sorkari ma·mongo parakaha uarangko agan-mesokatgen aro re·baenga bilsirango janggi tanganio kam ka·e cha·ani cholrangko nakatnatna dal·batsranggipa dakgni ong·a ine PM-ni ku·rachakani bakko bimang pilatna rozgar melako dakanichi a·songni lak 10 chadamberangna kamna rim·anirangko on·a BJP sorkarini chanchiani bidingo aganaha.