TURA: Central Nodal Officer aro Commerce & Industry Ministry-ni ning·o donggipa Commerce Department Government eMarketPlace-ni Director Ashish Kumar Saxena, adita salrangna skang, Technical Officer aro Nagpur-o donggipa CGWB, SUO-ni Scientist B (Hg) Bhagyashree Sahoo, Jal Shakti Abhiyan-ni kamrangko nina gita West Garo Hills a·jaona re·baaha.
Official-rangni re·baanio, West Garo Hills a·jao ka·enggipa Jal Shakti Abhiyan-ni kamrangko nipilna gita West Garo Hills a·jani Deputy Commissioner aro dingtang dingtang department-ni officer-rang baksa tom·aniko ong·atangaha.
West Garo Hills a·jao Soil & Water Conservation-ni ning·o ka·enggipa dingtang dingtang Watershed project aro irrigation project-rangko Central Nodal Officer niangaha.
Water Resources Department-ni dingtang dingtang irrigation project-rang aro PHE department-ni Water Supply Scheme-rangkoba ma·mongoni re·bagipa official-rang niangjolaha.