Sorkari, TAMS app-ko ra·gatani bidingo chanchikuja

SHILLONG: “Teacher Attendance Monitoring System” app- “ Ubiattendance ” ingipako ra·gatani bidingo A·dok Sorkari da·odipet mamingkoba chanchia dongkujaenga.
Maming kobor gri school teacher-rangni absent ba chutti ka·aniko bon·atna gita East Khasi Hills District administration, adita somoirangna skang, Teacher Attendance Monitoring System” (TAMS) app-ko a·bachengatahachim ineba nikatna man·a.
Indake ong·engon, district administration ia Ubiattendance App-ko ra·gatna gita re·mikkanggenchimode, jingjengatgen ine East Jaintia Hills district-o school teacher-rang ka·mikkenatahachim, jedakgipa App-an school-rango uamangni attendance-ko nirokgenchim.
Indake ong·engon, mijal Mongolbaro Education department-ni official saksani parakani gitade, ia app-ko ra·gatani bidingo Sorkari da·o dipet mamingkoba chanchia dongkuja.
Ia system-ko ra·gataniko skigiparang maming dakeba jegalna nangjawa ineba official agandapaha.
Ia app-ko ra·gatgenchim ong·ode school skigiparangni skulona re·baa re·bagijaniko chu·gimikkon ma·sina gita man·aignokchim.