TURA: Garo Hills-ni bol wa·arangko niam gri rate Assam aro gipin biaprangona palsrukatanirang batroroengani gimin Mongolbar walo, Garo Hills-ni dolgittam NGO-rang walgimik timenba, Tura Range aro Purakhasia Range-ni Forest staff-rang baksa Assam-ona niam gri bol rate salangenggipa truck gari bolsako rim·rikna man·aha ine kobor on·aha.
Ia bol salangenggipa truck gariko rim·ani ja·man dolgittam NGO-ni membor-rang, Tura GHADC head office-ona sokate, Tura Range-ni official-rangna pakwate on·ataha ineba kobor on·aha.
Garo Hills-ni bol wa·arangko skatang rate pale cha·engani a·selan buring bolgrimrang porongrong ong·roroangengahani gimin skatang bol wa·arangko den·jachina aro pale cha·jachina gitaba NGO-rang didiataha.
