TURA: East Garo Hills District Horticulture Office-ni Assistant Director (General) Mukta Mankin Sangma, adita salrangna skang, Israel a·songo Foreign Ministry-ni International Development Cooperation-ni ning·o donggipa MASHAV-ni ong·atanggipa training program-o bakko ra·angaha.
Ia training program-ko ‘Empowering Women Through Climate Tech & Agribusiness’ ine pangchakaniko done, June 11 tarikoni June 23 tarikona United Nations Industrial Development Organisation (UNIDO) baksa nangrime ong·atangahachim.
Ia training program-ko ong·atanio Latin America, Caribbean, Eastern Europe, Asia, Africa aro Pacific-ni ning·o donggipa dam 20 a·songrangoni gimik sak 44 official-rang bakko ra·angaha aro ia training program-o agribusiness-ni kamrango me·chikrangni bak ra·ani gimin agan-chanchirimanirangko dakangaha.
Ia training program-o bak ra·epana cholko man·ahani gimin Mukta Mankin Sangma, dingtangmancha MASHAV aro UNIDO baksana Meghalaya sorkarini ning·o donggipa Agri department-ni Secretary aro Joint Secretary-koba mittelpilataha.
A·chik me·chik officer saksa Israel-ni training program-o bak ra·ea
Date:
Share post:
