Manipur a·dokna Tura-o jinma bi·chaka

TURA: Manipur a·doko songdongenggipa dingtang dingtang jatrangni gisepo dinggrikanirangchi so·sojengjeng ong·anirang namchipna man·jaengani a·sel bang·a manderangan so·otanirangko man·na nangtokahani gimin aro bang·a manderangan nokgri jamgri ong·atanirangko man·e neng·nikanirangko chagrongna nangtokengahani gimin re·anggipa Sonibar salo, dingtang dingtang Mondolini manderang, Tura Super Market-o tom·aniko ong·atangenba, dingtangmancha jinma bi·chakanirangko dakangaha.
Ia tom·anio bakko ra·gipa manderang, lekka pal·takrango seanirangko ra·bite aro mombatirangko so·e Manipur a·doko tom·tomaniko ra·bapilchina gita bi·chakangtokaha.
Ia tom·aniko Hawakhana Baptist Mondolini Pamong Rev Frithing D Sangma dilangengon, Manipur a·doko so·sojengjeng ong·enganichi duko ga·akenggipa manderangna jinma apsan bi·chakna gita ia tom·aniko ong·ataha ine parakangaha.
Ia tom·anio Garo Baptist Convention (GBC)-ni youth director Durasal R Marak-ba bakko ra·angengon, Manipur a·doko ong·enggipa obostarangna kalimpaaniko parakatenba, ia jinma bi·chakanichi Manipur a·doko tom·tomani sokbapilchina ine an·tangni skaniko parakangaha.