SHILLONG: Sombar salni 12:00 bajimango, East Khasi Hills a·jani Smit-o donggipa Don Bosco School sambani Lumkynsai songo gopretanichi bilsi 38 ong·gipa mande saksa so·otako man·aha.
Koborko on·ani gitade, ia mandeni bimingara Pynsuklang Khongwir ong·achim aro ua batanggimin jagittamna palango sae dongna gita nangengachim.
Ia gopretani somoio ua saksan ia kuturio tue dongengachim ineba kobor on·aha.
Kobor on·timgiparangni u·iatani gitade, electric mattress ba bijolichi chalaigipa tosokni a·selsa ia gopretahakon ine police-rang chanchichipenga.
Gopretani ja·man bakan police-rang, bomb squad baksa ua biapona re·bae am·sandianirangko dakna a·bachengataha.
