U·IATTIMGIPAONI
WILLIAMNAGAR: National Tobacco Control Program (NTCP)-ni ning·o a·dokni Health department, Sambandh Health Foundation (SHF) baksa nangrimenba, Cigarettes & Other Tobacco Products Act (COTPA)-ni bidingo training-ko re·anggipa Budbar salo, East Garo Hills a·jani police-rangna, Williamnagar-ni DRDA Hall-o ong·atangaha.
Ia training program-ko ong·atanio NTCP Meghalaya-ni Nodal Officer Dr Lana Nongbri, East Garo Hills a·jani District Nodal Officer Dr Barkaraine Marak, Tura Christian Hospital-ni Dr Siddharth K Sangma aro Sambandh Health Foundation-ni Pramod Kumar, COTPA-ni bidingo police-rangna agan-talate on·angenba, ta·makkuko jakkalanichi mandena maidakgipa namgijanirangko ra·bana man·achim, uarangni gimin talate on·angenba, ta·makku jakkalaniko bon·atna nangengani gimin aganangaha.
Ia program-ko ong·atanio East Garo Hills a·jani Superintendent of Police (SP) Siddharth Kumar Ambedkar-ba, program-o bak ra·giparangna aganprakangengon, chadamberangko ta·makku jakkalaniko champengna kam ka·anio gisiko nange bak ra·angkuchina gita didiangaha.
