U·IATTIMGIPAONI
TURA: Re·anggipa Bristibar salo, South Garo Hills a·jani police-rang, mande sakgniko a·songo tarigimin grenade ronggni aro Chinese pistol pongsa baksa rim·na man·aha ine kobor on·aha.
Police-rangni social media-o parakatani gitade, rim·ako man·gipa manderangara West Garo Hills a·jaoni Chengsang M Marak aro South Garo Hills a·jaoni Sengchang N Sangma ong·achim.
Ia manderangni bidingo talbate ma·sina gita police-rang ning·tubate sandirokanirangko dakenga ineba u·iataha.
A·doko bobil dake chakatgipa dolrang ong·kattaina sienga ine koborko on·ani ja·man police-rang, a·dokni pilak biaprangon ong·gija dakgipa manderangko aro chanchichipna kragipa manderangko name nirikkiengachim ine nikna man·a.
Garo Hills-ni bang·a biaprangon mitam manderang, silchidarerangko mesoke manderangoniko ra·seke ra·na aro manderangko rim·gittangna gitaba jotton ka·engachim.
