U·IATTIMGIPAONI
SHILLONG: Re·baenggipa bilsi bongani gisepo Meghalaya-ni skotong Shillong-o infrastructure-ni gita bang·en namdapanirangko nikna man·anggen ine Chief Minister Conrad Sangma aganaha.
Meghalaya High Court-ni annexe building-ko oprakate on·mitingo CM Conrad indine aganaha, “Sorkari, Secretariat-ko New Shillong Township-ona jitatna kam ka·enga aro ia bilsini financial year bon·angchibarade kamrangko a·bachenggnok. Una agreba sorkari, Judicial academy aro National Law University-na a·ako man·aha ine u·iataha.
Re·baenggipa bilsi bongani gisepo a·dokni skotong Shillong songjinmao infrastructure-ni gita bang·en namdapaniko nikna man·gen, iarangni gisepon mongsonggipa infrastructure jekai- jail (pattok), Cantonment area aro Police Reserve-ko gipin biapona jitatna sorkari ta·raken kamrangko ka·enga. Songjinmao multi level parking-ko rikgen una agreba dingtang dingtang kamrangko ka·enga ineba CM Conrad parakataha.
Minggipin batanggimin bilsi bonga somoini gisepo infrastructure development-na bang·bea karmangko ka·aha, basic ba ramram infrastructure gride bang·a jolrangon development-o kam ka·na neng·nika. Beben adita neng·nikanirang ba ra·bianirang donga indiba infrastructure-ko namdapatna sorkari jotton ka·enga. Iarangni gisepon sorkari, renovation ba namdapata ba gital dakatani kamrangko aro gital buildingrangko rikenga. Ge 2500 Government LP school-koba rikenga.
Ia financial year-on bang·a karmangko a·bachengataha, ge 2500 school-rangko renovate ka·aha ba gital buildingko rikaha ine CM Conrad aganangaha.
