U·IATTIMGIPAONI
SHILLONG: North Eastern Institute of Ayurveda and Homeopathy (NEIAH), Uttar Pradesh-oni mandeko institute-o contractual basis-o attendant kamna rakkia dongja talataha.
NEIAH Director, Dr. Neeta Mahesekar, Sukrobar salo indine aganaha, “institute-ni kamo jolni chadam-berangko rakkina sandi-chenga. A·dokni ba joltangni manderangna kamko on·nachi a·dokni tang·doanina on·gilna chinga miksonga.”
Iana skang KSU Shillong Mihngi Circle, NEIAH-ko attendant-ni contractual post-na Uttar Pradesh-oni mandeko rakkia inani gimin sing·ataha.
Circle-ni president Sonstar Nongkhlaw, indine aganaha, “Institute-ni kamna Uttar Pradesh-oni mandeko rakkia ine kobor man·e union NEIAH authority-ko grongaha.
Indake union Director-ko institute-ni gimik contractual kamrangna jolni manderangko seokchina ba basechina aganaha. Indake a·dokoni ong·gija gipin a·dokrangoni re·bae contractual-o kam ka·giparangni service-ko regularise ka·jachina mikrakataha.
