U·IATTIMGIPAONI
SHILLONG: 1972 bilsini Meghalaya State Reservation Policy-ko nipiltaina gita expert committee-ko songna, a·dokni Chief Secretary DP Wahlang-chi dilenggipa Search Committee, membor sakbrini bimingrangkode tik ka·manaha ine kobor on·aha.
Iani bidingo kobor ra·timgiparangna u·iatengon, Expert Committee-na sakbri manderangni bimingrangkode tik ka·manaha ine a·dokni Chief Secretary parakataha indiba ia mande sakbrini bimingrangko parakna gitade jechakaha.
Ia manderangoni mitamde gipin a·dokrangoni ong·a ineba Wahlang parakataha.
Expert committee-na membor sakbongani bimingrangko tik ka·manahaode, expert committee-ko jinmana parakatna skang, membor-rangni bimingrangko a·dokni Cabinet ra·chakanggnok ineba Chief Secretary parakataha.
Expert committee-ni membor sakbongako sandina gita Chief Secretary-ni dilanichi membor sakgittam donggipa Search Committee-ko sorkari songe on·angahachim.
