U·IATTIMGIPAONI
TURA: Me·a aro me·chikni gisepo dingtanggrikani dongja ine mesokna aro me·chikrangni ku·rang on·aniko gam·batatna gita miksonganio World Population Day-ko Budbar salo, Tura Don Bosco College-o poraienggipa chatro chatrirang maniangaha.
Ia salko maniani bak gita dingtangmancha mandeni jelbra jelsuaniko mesokna poster competition-ko ong·atangaha aro ia poster competition-ko ong·atanio college-ni bang·a chatro chatrirang bak ra·angtokaha.
Iani ja·man, Economics Department-ni gita seminar-koba ong·atangaha aro ia seminar-ko college-ni chatro Canny Thursday S Momin dilangaha.
Ia program-ko ong·atanio, Don Bosco College-ni Principal Fr Bivan Rodriques Mukhim, jinmana aganprakengon, pilakni namgninan me·a aro me·chikni gisepo dingtanggrikani dongjachina didiani kattarangko aganangaha.
Ia program-ko ong·atanio Economics Department-ni Professor Siddhartha Roy-ba jinmana aganprakangengon, World Population Day-ko maniani bidingo talate on·angenba, mandeni jelbra jelsuaniko komiatna nangengani gimin aganangaha.