Wednesday, July 9, 2025
spot_img

Chokpot-Sibbari ramako tariani bilsi 7 ong·pilahaoba matchotkuja

Date:

Share post:

spot_imgspot_img

U·IATTIMGIPAONI

BAGHMARA: Km 20-mang ong·gipa South Garo Hills a·jani Chokpot-Sibbari ramako tariani bilsi 7 ong·pilahaoba matchotchipkujaenga aro uandaken da·o wachini somoiode ia rama gita dal·dalgipa garirang re·na man·jaengaha ine kobor on·aha.
Jolo songdongenggipa manderangni parakatani gitade, mikkarang waangani ja·man da·o ia rama gimikan a·dubekrara dakenba, ia ramako re·ruraenggipa gari gorarang rama jangchirangon jachange dongna gita nangtokpilengachim.
Ia ramako 2017 bilsio Mukul Sangma-chi dilenggipa MUA sorkarini somoion tarina a·bachengatahachim indiba da·o bilsi 7 ong·angpilengahaoba ia ramani tong·sakomangba taria matchotkujaenga ine kobor on·timgiparang parakataha.
Ia ramako sawamancha tarienga ukoba ma·sitokjaenga maina ia ramao kam ka·anirangko uamang ru·uta somoirangonin nikchipjaenga ineba jolo songdongenggipa manderang parakataha.
“Ia ramani mitam bakkode kamrangko a·bachengatani bakan matchotahachim indiba uni ja·mande kamrangkon nikna man·taijaha. Ia ramako tarianirangba bilongen namjani a·sel mitam matchotgimin bakrangba da·on nosto ong·piltaiaha,” ine kobor on·timgiparang parakataha.
Ia ramasan ong·aigija, Baromile-oni Chokpot-ona dakanggipa ramani obostarangba namsrangjaengahani a·sel ia ramako re·ruraenggipa manderang bilongen neng·nikanirangko chagrongna nangtokengaha ine kobor on·timgiparang parakataha.

spot_imgspot_img

Related articles

Flash floods wash away Nepal-China trade route, leave 8 dead

Kathmandu, July 9: At least eight people died and 19 have gone missing in the flash floods that...

Vadodara bridge collapse: Death toll rises to 9, PM Modi expresses grief

Vadodara, July 9: The death toll in the Vadodara bridge collapse mounted to nine, said officials here on...

Many of you can become astronauts, walk on Moon: Shubhanshu tells students at NESAC

NEW DELHI, July 8: “Many of you can become future astronauts, even walk on the Moon,” Shubhanshu Shukla...

Keep all 18 Khasi villages in Meghalaya: Heads of Raid Nongtung urge Conrad

SHILLONG, July 8: The traditional village heads along the Assam-Meghalaya border in Ri-Bhoi, under the banner of the...