U·IATTIMGIPAONI
TURA: Re·anggipa July-ni 12 tariko NABARD-ni chang 42-gipa foundation day-ko maniani bak gita Financial Literacy Camp-ko South Garo Hills a·jani Baghmara Block-ni ning·o donggipa Banajuri songo ong·atangaha.
Ia program-ko ong·atanio NABARD-ni District Develpment Manager Khenchandra Chongtham, jinmana aganprakengon, ia financial literacy camp-ko ong·ataniona re·bae bakko ra·ahani gimin MCAB Baghmara Branch-ni Branch Manager, MSRLS dolni manderang aro songni nokni manderangko mittelpilangenba, South Garo Hills a·jana aro Meghalaya a·dok gimikna NABARD-ni ka·enggipa kamrangni gimin agan-talate on·angaha.
Mobile banking, ATM card-rangko jakkalani aro loan-rangko ra·ani giminba ia tom·anio ua songni nokni manderangna agan-talate on·angaha.
Ia program-ko ong·atanio MCAB Baghmara Branch-ni Branch Manafer Bilgrak K Sangma-ba jinmana aganprakangengon, game ge·e cha·enggipa manderangna on·enggipa dingtang dingtang insurance aro pension scheme-rang, jekai PMSBY, PMJJBY, APY aro uandakgipa scheme-rangni bidingo agan-talate on·angaha.
Ia program-ko ong·atanio MSRLS Baghmara Block-ni FI Jackius R Marak aro gipinrangba bakko ra·e, songni nokni manderangna aganprakangaha.