Shillong: Party-ni dingtang dingtang gadangni kamrangna jeon uamang susaaha party maming system dongja, UDP-ni president, Paul Lyngdoh aganaha.
Lyngdoh, kobor ra·timgiparangna aganao biapo nomination committee donga aro party-ni president-ko man·chape dingtang dingtang kamrang mingprakna bimingrangko ra·chakgen ine aganaha.
“Unigimin kam gimikan nomination committee-o pangchaka,” UDP working president aganaha.
Party-ni chugipa gadangni kamrangko apsan manderangan ra·angku-genma ine sing·anina, Lyngdoh ka·dingsmita gnang jeko nomination committee bil on·a uko nina aro sengna uamang nanggen ine aganchakaha.
July 29-o ong·atna-sienggipa general council meeting-o party uamangni gitalgipa president aro gipin officer bear-rangko mingnaba donga.
A·bachengao, party president, Metbah Lyng-doh, party-ko ua dilang-kugen ba dilangjawa party-ni memborrangni chan-chiaosa ong·aia ine aganaha.
“Angni ripengrangoni namnikanirangko agana gita ong·gen uni gimin anga agana nangnikjaenga. Uni gimin katta mingsako agana kragipa ong·jawa,” Lyngdoh aganaha.
Metbah, jean uamangni president gitcham Donkupar Roy-ni sianichi 2019 September 11-onin UDP-ni president ong·e seoka man·a brigipa changna Mairang-ni dilgipa ong·enga.
Corona sabisi aro Assembly election-rang ong·anichi, dal·gipa council meeting-ko dontonga-nichi 2022 bilsionin CEC-ni somai badeaha.
General council-chi ra·chakaniko man·a party-ni adita sak officer bear-rangna de·e ra·bagipa bimingrangko nomination committee songaha, UDP general secretary, Jemino Mawthoh aganaha.
Nomination committee-o pilak district president-rang, secretary-rang, president-rang aro an·pachak-gipa chadambe, me·chik aro gamgipa dolrangni secretary-rang donga.
Committee-o party-ni meborrang Renikton Lyngdoh Tongkhar, PT Sawkmie, Mayralborn Syiem, Nujorki Sungoh aro Garo Hills-oni sakgni member-rangko man·chapgen.
Party-ni president aro general secretary, nomination committee-ni ex-officio memborrang ong·gen.