SHILLONG: Khasi aro Jaintia Hills-o railway project-ko jegalengani bidingo Cabinet Minister Ampareen Lyngdoh, jingjengatgipa dolrang ba jegalgipa dolrangko Garo Hills-ni Mendipathar railway station-ona re·ange niechina agan-ku·pattiaha.
Khasi aro Jaintia Hills-o railway project-ko ra·bana miksonganiko dingtang dingtang sinjetgipa dolrang jegalengani gimin Ampareen, ‘railway project-na maming kenani dongja, railway rama dongode a·dokona niamgri napgiparang bang·gen ine kena ong·ode, Mendipathar railway station-ona re·ange niebo, unon na·simang mikrontangchi nike nama namgijako u·ina man·gen” ine aganaha.
Railway dongani a·sel da·ode Garo Hills-oni bosturangko gipin chel·a biaprangona altuen watatna man·engjok. Mendipathar railway station dongahani gimin jolni manderangna baditan namgni ong·enga, indiba sorkari, manderangni namnikgijani kosako re·jawa ine Ampareen aganaha.
Minggipin a·dokona railway-ko ra·baanio topography ba biapni a·sel beben ra·bianraing donga, an·chingo ongipa biarang dongja, a·briraragipa biapsa ong·ani gimin biap melija ineba Lyngdoh aganaha.
“Niatgenchimode gimik kamon nama namgijani dongaia, aro jensalo sorkari namgniko nike ja·ku de·na jotton ka·on, manderang jegalskaa, indake ong·ode sorkari maiko dakgen, manderangni kosako re·dranade man·ja.”
Adita salrang skang Chief Minister Conrad Sangma, railway project-ko jegalani gimin, “Shillong railway project-ko ru·utate donode, East Jaintia Hills-ona project-ko jitatskanaba donga, maina ma·mong sorkari ru·uta somoinade sengjawa’ ine aganataha.
Ampareen, Railway-ko jegalgiparangko Mendipathar station-ko niechina agana
Date:
Share post:
