SHILLONG: “Ateliers Meghalaya Awards 2023” baksa entrepreneur-rangna Sukrobar salo Tourism aro Meghalaya Age Limited mande ra·aniko dakangaha.
Chu·gimik gadang 4 baksa dingtang dingtang changa sapanirangko ong·katatna changgiparangoniko baseange Ateliers Meghalaya Awards 2023-ko on·angaha. Award man·gipa sakantian certificate baksa tangka gong 50,000 prakko man·angaha.
Award-rangko nambate bosturangko tariangna changbatgiparangna on·angaha, Tura-oni Christine G. Momin-ni gita bikotgipa Gourd Lamps: Most innovative Product-o award-ko man·angaha, Best Atelier Promoting Cultural Heritage-o Ri-Bhoi-ni Pahambir-oni Rani Maring aro South Garo Hills-ni Seempara-oni Blastin Sangma, Customer’s Favourite Handloom Product-o Shillong-oni Nela Handloom-ni Bath Towel, aro Shillong-oni KINIHO-ni gita Eri Silk Accessories-o award-rangko man·angaha, Customer’s Favourite Handicraft Product-o Tura-oni Arak Sangma-ni gita bikotgipa Terracotta Bull, aro Tura-oni Cryspil Sangma-ni gita bikotgipa Recycled Paper Bag, award-rangko man·angaha.
Chief Minister Pa Conrad K. Sangma aro Tourism Minister Pa Paul Lyngdoh-chi dingtang dingtang gadangrango nambatgiparangna award-rangko manderangni jako on·angaha.
Ia award-ko 2021 bilsioni on·a a·bachengataha jeon sak 23 artist-rangko seokaha, ine tom·anio Chief Minister u·iataha.
“Ua somoio chinga award man·giparangna lak 5 prakko on·angaha jeon ge-2 dake donanganio chinga tik tak dake tangka paisarangko chamaha. Indiba chinga iana bate bang·a artist-rangko ong·katatna jotton ka·enga,” ine Sangma aganaha.
Uni parakatani gitade, jatni daka rika bewalrangko ripingangna man·a aro dingtang dingtang changa sapaniko ong·katatna aro apsan somoio maidakgipa an·chingo donga uarangoniko janggi tangna kamrangko ong·katatna ia ja·kurangko ga·na nisanko donanga.
Textile a·bao dal·roroani baksa ia gadangrango uamangko nangdimatna jotton ka·enga ine ua agandapangaha.
Meghalaya Age store da·o online ong·aha aro chanchiatna man·gen, economic-ni term-o bilakdapaniko man·gen aro janggi tangna cholko bikotgipa ong·gen aro ian a·sol kal·ani ong·gen ine Chief Minister aganangaha.
Sorkarini dingtang dingtang ja·ku ga·anirangko entrepreneurship-rangna result-ko mesokangaha, ian entrepreneurship-na bilsi 5-ni program ong·naba donga ba dingtang dingtang mission mode program-rang ong·naba donga ba batanggimin bilsi 5-o ge-45,000 self help group bikotgipa ong·naba donga ine ua aganaha.
