SHILLONG: India a·songo nambatsranggipani gnigipa gadango ong·aniko mesokatani ja·man Meghalaya a·dokna kratchaaniko ra·baaha, ine a·dok dilgiparangko sakantian matnangata ine opposition dolni dilgipa Ronnie, V Lyngdoh aganaha.
Bang·a factor-rang donga jeon da·o a·sel ong·enggiparangna on·gilangna man·a aro ia matnangataniko politician-rang, bureaucracy, manderang aro toromni dilgiparangba dakna man·a ine ua aganangaha.
Lekka puonani somoio tangka mongsonggipa ong·e kal·angaha, political party-rang lekka puonani somoio maming policy donggija manderangona re·angaha aro manderang da·ororode jemangan uamangna tangka paisarangko on·a ba uamangni nangnikaniko chu·sokatna indakgipa candidate-rangna vote-rangko on·a, ine ua agandapangaha.
Bang·a toromni dilgiparangba je political party-rangan policy-rang aro chanchisamsoanirang a·dokna donga indakgipa party-rangna vote-ko on·angchina didiangna man·angja ine ua agandapangaha.
Poraia skia, songsal ba sana banani a·bao ong·atna, indakgipa a·selrang ong·angkua ong·ode angade ka·donganiko nikatja, ine ua aganangaha. Neng·nikani man·enggiparangni bidingo manderangna u·iatangna media-rangba nangchongmotgipa role-ko kal·angja ine ua agandapangaha.
Torom-ni gita institution-rang dongja ong·ode, a·doko nambata educational institution-rang dongjawa ine ua aganaha.
Niti Aayog-o Meghalaya namgijagipa gadango ong·ani bidingo Meghalaya sorkari an·tangko chelchakatna jotton ka·enga aro re·baenggipa bilsi 5-o gimikni gita dingtanganiko ra·bana ku·rachakenga ineba ua janapataha.
