Shillong: Meghalaya Assembly Committee on Estimates, Nongpoh Legislator Mayrolborn Syiem-ni dilano a·dokni dambonga district-rangona salgittamna joljol wene dontongatgipa ba matchotgija donenggipa project-rangko nirokeaha.
A·doko Health Department aro Educaction Department-ni a·bachengatgipa project-rangko jekon matchotkugija donenga ba dondipataha, uni kamrangko nirokna miksonganio inspection ba sandianiko dakangaha.
Committee-o bak ra·gipa memborrangara – Mawkyrwat MLA, Renikton Lyngdoh Tongkhar; Raksamgre MLA, Limison D. Sangma; Ampati MLA, Miani D Shira; Jowai MLA, Wailadmiki Shylla; Mawhati MLA Charles Marngar; Selsella MLA, Arbinstone B. Marak; Rambrai Jyrngam MLA, Remington Gabil Momin; aro Umroi MLA, Damanbait Lamare –uamang ong·a. Committee, ia ja July 19 tarikoni inspection tour ba wenaniko a·bachengataha.
Committee, Eastern West Khasi Hills District, West Khasi Hills District, East Garo Hills District, West Garo Hills District aro Ri Bhoi District- ia dambonga district-rangona wenaha.
Project-ni kamrangko nirokemitingo Committee, ia dambonga district-rangona wenangao, adita ming dondipatgipa project-rangko nirokangaha. Eastern West Khasi Hills district, Mawthadraishan, Lawbyrtun-ni Residential project, West Khasi Hills district, Nongstoin -ni Polytechnic Institute, Nongchram Demik Residential School, Rongjeng, East Garo Hills, Eklavya Model Residential School Samanda, Nengkra, Samanda Block, East Garo Hills- ia project-rangko nipilangaha.
Uandake West Garo Hills district-ni Trauma Centre, Tura Civil Hospital, Edenbari ABDK Residential School, Rongram- iarangkoba nirokeaha.
A·doko motchotkugija donenggipa project-rangko nipilangna Estimates Committee, July 19 tarikon 21 tarikona dambonga districtrangko wenaha.
Uandake inspection ka·mitingo Committee, District Authorities aro Health, Education Department-ni official-rang, PWD (Building) aro gipin line department-rang baksa agangrikaha.
