SHILLONG: Meghalaya a·doko winter capital-na dabianganio Congress legislator, Saleng Sangma biljrimbate aganangaha, dabianio maming gualani dongja aro ra·chakna man·a ong·ode sorkari adita minister-rangko niechina watatna nanga.
Sukrobar salo Sangma, mesokna gita aganangaha, jekai Kashmir a·dok jeon ge-2 capital donga, ge·sa Jammu-o aro ge·gipinara Srinagar-o donga.
Aro unagrea, Himachal Pradesh-o ge-2 capital Dharamshala, aro Shimla-o donga,” ine Sangma aganaha.
“Winter capital-ko Garo Hills-o dongenma ma Autumn capital-ko Jowai-o dakgen ian a·dok sorkarini jako chu·gimik bil ong·a, dabianide pangnan dongaigen,” ine Sangma agandapangaha.
Batanggimin somoio adita ku·rachakanirang dongnaba donga jeon golmal kajia ong·naba donga, ine dabianganio Sangma aganangaha.
“Jensalo APHLC ku·cholsan ong·e dingtang a·dokna dabia, uano adita nangnikanirangna agangrikanirang donga jekai 40-40% job reservation, winter capital-ko Tura-o, summer capital-ko Shillong-o dakna dabianirang donga. Uni gimin skang chasongni itihas-ona re·angpilna nanga aro maina da·alona winter capital-ko dakna gongjaenga,” ine ua aganangaha.
