SHILLONG: Batanggimin somoirango Meghalaya Energy Corporation Limited (MeECL), dingtang dingtang bijoli bikotgipa company-rangna aro mongsongbate central generating unit-rangna bang·bea grorang donggenchimoba da·o ia pilak grorangkon chotpilna man·aha ine official-rang parakataha.
Meghalaya a·doko bijolirangko nanga gita man·jaengani gimin batanggimin bilsirango MeECL, NTPC, NEEPCO aro uandakgipa dingtang dingtang bijoli company-rangoniko bijoliko brena gita nangahachim.
Indake ong·engon, da·o bijoli bikotgipa company-rangna MeECL, maming grorang dongjaha indiba NTPC baksa adita meligrikgijanirang dongkuengani gimin iako kachario dakgrikengkua ine MeECL-ni Managing Director Sanjay Goyal parakataha.
“NTPC baksa meligrikgijanirangko namatna chinga jotton ka·enga aro iani bidingo uamang baksa agangrikjringenga,” ine ua aganaha.
Goyal-ni parakatani gitade, MeECL-ni grorangko da·o somoi gita gamengani gimin mitam case-rangode tangka paisarangko man·pilani cholrangba donga.
Ma·mong sorkarini tosusaanio MeECL-ba nambata gadangrangko man·pana gita da·o Letter of Credit-ko kuliaha ineba MeECL-ni Managing Director parakataha.