TURA: 2023 bilsini Assembly election-o National People’s Party (NPP)-ni sak 16 MLA-rangko seoke watatahani gimin aro mongsongbate uko seoke a·dokni chief minister ong·na cholko on·ahani gimin Garo Hills-ni manderangko mittelpilani chin gita a·dokni Chief Minister Conrad K Sangma, Tura-ko Winter Capital songe on·na nanga ine Robibar salo, Tura-ni MDC Bernard N Marak parakataha.
Tura-ko Winter Capital songchina aro Reservation Roster-ko backlog policy-o ra·gatchina dabie jingjengatenggipa dolrangko grongeani somoio Marak, ia kattarangko aganaha.
“Ua saksa A·chik CM ong·ani giminsa aro ua A·chikrangni NPP party-ni dilgipa ong·ani giminsa manderang uko seokaha. NPP dolko a·songni gadango Garo party ine kamko ka·na aro A·chikrangni namgnina kamko ka·na miksonganiosa bikotahani gimin da·o A·chikrangni namgnina NPP kamko ka·gipa dol ong·a ine mesokani somoi ong·engaha,” ine Tura-ni MDC janapatenba, Conrad Sangma-ni nokdangna aro NPP-na A·chikrangni dangdike on·aniko nipilenba Tura-ko Winter Capital songe on·skana nanga ine didiataha.
Job reservation policy-ni bidingo janapatskaengon, election-na campaign ka·engmiting somoio chief minister-ni ku·rachakgimin gita Meghalaya a·dokni sak lak 5 chadamberangna kamrangko tikate on·na nangchongmota ine Marak dabiangaha.
Okumu chakenggipa manderangko indita salrangni ja·man gronge agangrikna gita chief minister-ni ku·rachakatgipa kattarangni gimin janapatskaengon, okumu chakenggipa manderangko grongesrangjana bate ja·manchake grongeaniba namkalengkua ine Marak, chief minister-ko mittelpilangaha.
Indake ong·engon, Manipur a·doko so·sojengjeng ong·enganichi duko ga·akenggipa manderangna on·kange ua dingtangmancha ‘Once’ ingipa gitko chipgen ine Marak parakatenba, duko ga·akenggipa manderangna dakchakanirangko on·na man·na gita fund raising concert-ko Tura-o ong·atna miksongenga ine talataniko on·angaha.
GH-ni manderangko mittelpilani chin gita Tura-ko Winter Capital songna nanga: Bernard
Date:
Share post:
