RESUBELPARA: Budbar salo, North Garo Hills a·jani Babukona aro Bangalmura Urban Health & Wellness centre-rangko Assembly-ni Deputy Speaker aro Resubelpara-ni MLA Timothy D Shira, kulie on·angaha.
Ia Health & Wellness Centre-rangko kulie on·angani somoio Meghalaya Assembly-ni Deputy Speaker, jinmana aganprakangengon, sanna banani cholrangko manderangona sepangbatate an·senggipa a·songko rikanian India a·songni niksamsoani ong·a ine parakataha.
Ia urban health & wellness centre-rangko kulianichi jolni manderangna sanna bananirangko aro samrangko on·na man·gnok ine janapatengon, jolo songdongenggipa manderang da·o gipin biaprangona re·angna nanggija biaptangon donge somoi gita namgipa sanna bananirangko ra·na man·gnok ine Shira parakataha.
Manderangni namgnina ia health & wellness centre-rangko kulina gita ia biaprangko seokahani gimin ua North Garo Hills a·jani district medical & health officer (DM&HO)-koba mittelpilangaha.
Ia urban health & wellness centre-rangko nambate chalaina man·na gita jolo songdongenggipa pilak manderangkon sorkari baksa bakrimchina gitaba Shira didiangaha.
Ia health & wellness centre-rangko kulie on·angani somoio dongpae bakko ra·anggipa gipin manderangara, North Garo Hills a·jani Additional Deputy Commissioner Kapil Koch, DM&HO Dr Sombari Boro, Babukona aro Bangalmura-ni sordarrang aro gipinrang ong·a.
NGH-o Babukona aro Bangalmura sub-centre-rangko Dy Speaker kulie on·a
Date:
Share post:
