AMPATI: Budbar salo, South West Garo Hills a·jani Mahendraganj jolo donggipa BOP Bahadur-ni 50 Battalion Border Security Force (BSF)-ni gita dingtangmancha Civic Action Program-ni ning·o medical camp-ko Ampati Civil Hospital baksa nangrime songni manderangna ong·atangaha.
Ia medical camp-ko 50 Bn BSF-ni 2nd IC Randhir Singh Gill-ni dilanichi ong·atangaha aro ia medical camp-o Deputy Commandant Mohinder Singh, Assistant Commandant S Chunglai, Coy Commander Rithesh Kumar aro Medical Officer Dr Heena Khan dangdike on·angaha.
Ia medical camp-ko ong·atanio Ampati Civil Hospital-ni Senior Medical & Health Officer Dr Lydia Sangma, Medical & Health Officer Dr Tengmatchi M Sangma aro Mahendraganj CHC-ni Medical & Health Officer Dr Nipbil P Sangma-ba, songni manderangna sanna bananirangko on·angaha.
Ia medical camp-ko ong·atanio dingtang dingtang songrangoni sak 400-mangna baten songni manderang re·bae sanna bananirangko ra·na man·aha.
Ia program-ko ong·atanio songni manderangna BSF aro Ampati Civil Hospital-ni doctor-rangni ku·pattianio pangchake samrangkoba indin suale on·angaha.
