Saturday, July 19, 2025
spot_img

Konta 3-na agangrikanio manderangna u·iata dongjani a·selsa ding·chaoani ong·kata: Bernard

Date:

Share post:

spot_imgspot_img

TURA: Tura-ko Winter Capital songchina aro Reservation Roster-ko backlog policy-o ra·gatchina dabienggipani bidingo dingtang dingtang dolrangko Chief Minister-ni konta gittamna gronge agangrikanio, a·palo senge dongenggipa manderangna mamingkoba u·iatjahani a·selsa manderangni gisepo ding·chaoani ong·kate so·sojengjeng ong·aniona sokaha ine Tura-ni BJP MDC Bernard N Marak parakataha.
Marak-ni parakatani gitade, dingtang dingtang dolrangni dabienggipa Winter Capital aro Roster system-ni backlog policy-ni giminde a·dokni Chief Minister Conrad Sangma nichanggale, uko NGO-rang chadrapaha ine manderangna mesoknasa jotton ka·skaahachim.
“Ia a·sel ong·anina jinmako rim·gopaniara tangka paisa jakkalsretaniko jegalenggipa manderangni kosako chal dake rim·anisa ong·enga. Uko raja ong·atgipa manderangkon ua an·tangko chadrapa ine mesokna jotton ka·skaenga,” ine Marak parakataha.
Ia so·sojengjeng ong·aniko dakdilgipa manderangara jakkomsasan ong·aiachim aro ia manderangko a·sel ong·gipa biapon rim·na man·achim ineba Tura MDC parakataha.
“Da·o a·gilsak gimikan Garorangko skia man·gijagipa gitasa aro ka·namgijagipa jat gitasa ra·tokengaha aro A·chikrangna namen dukni ong·a. Re·anggipa bilsioba angko rim·na sandianiko pa·sike bang·a manderangkon rim·aha aro an·chingni chadamberangko noti dari dakgipa gita toe mesokaha. Chingko apsan daken kal·aktaigen ine chinga ma·sisoachim aro manderangni dabianirangko uamang politics-chi nangataha,” ine Marak parakataha.
Ramram agangrikaigipa tom·ani maikai konta 3 batpilna nangaha ine sing·doatengon, iani a·selsa manderangni gisepo ding·chaoaniko ong·kate so·sojengjeng ong·aniona sokaha ine Marak parakataha.
Tura MDC-ni parakatani gitade, sorkarini kosako RTI ka·gipa manderang, sorkarini ong·gija dakgipa kamrangko mesoke ku·rang on·gipa pilak manderangkon ia a·sel ong·anio ‘didigiparang’ ine mingahachim.
Tura-ko Winter Capital songchina aro Reservation Roster-ko backlog policy-o ra·gatchina dabienggipani bidingo Chief Minister-ni ku·rachakaniko man·na gitasa ua somoio manderang ua biapo tom·chimongtokahachim indiba maming bite gri konta gittam batpile tom·anio somoi ra·chae dongahani a·selsa ia so·sojengjeng ong·ani ong·kataha ineba Marak parakattaiaha.
Sal napangani ja·man me·asa police-rangni jako rim·ako man·gipa me·chik sakgniara, ia dabianiko dilenggipa ACHIK dolni membor-rangan ong·achim indiba uamangko BJP Mahila Morcha-ni membor-rang ine police-rang mingskaaha ineba Marak parakataha.

spot_imgspot_img

Related articles

EU, UK impose new sanctions on Russia’s energy and spies

EU and UK ramp up pressure on Moscow with toughest sanctions yet, targeting energy, intelligence, and shadow oil fleet Brussels,...

US blacklists TRF; China pushes for anti-terror efforts

BEIJING, July 18: China, on Friday, responded cautiously to the United States’ designation of The Resistance Front (TRF)...

Violence in Bangladesh: five dead, 160 arrested, curfew tightened

DHAKA, July 18: Over 160 people were arrested and curfew extended in Gopalganj, the home town of Bangladesh...

Brazil’s ex-Prez Bolsonaro fitted with ankle monitor

Sao Paulo, July 18: Brazil’s former President Jair Bolsonaro has been ordered to wear an ankle monitor, a...