SHILLONG: Jowai-o Meghalaya Public Service Commission (MPSC)-ni examination centre-ko chipahani a·sel porikka seenggipa chatro chatrirang neng·nikanirangko chagrongna nangtokenga ine Jaintia Students Union (JSU) parakatenba, Jowai-o MPSC-ni examination centre-ko kulipiltaichina gita sorkariko didiangaha.
Iani bidingo JSU-ni dilgiparang, Bristibar salo a·dokni Health Minister Ampareen Lyngdoh-ko grongeaha aro uko grongeani ja·man kobor ra·timgipa manderang baksa agangrikengon, Jowai-o MPSC-ni examination centre-ko kulipiltaiani bidingo ua a·dokni Chief Minister-ko gronge agangrikna gita ku·rachakaniko on·ataha ine JSU-ni dilgiparang parakataha.
Jowai-o MPSC-ni examination centre-ko kulipilchina gita sorkariko didiatengon, ian kamrangko sandienggipa aro MPSC-ni porikkarangko seenggipa chatro chatrirangna altubatatani gita ong·gen ine JSU parakataha.
Jowai-ni MPSC examination centre-ko chipatahani a·sel da·o Jaintia Hills-ni chatro chatrirang, Shillong-onasa re·ange porikkarangko sena nangenga ine janapatskaengon, Jowai-o MPSC-ni examination centre-ko kulipilgenchimode chatro chatrirang, Shillong-ona re·rurae koros aro somoirang bon·na nangjawachim ine JSU parakataha.