TURA: Sukrobar salo, Tura-o donggipa Food Corporation of India (FCI)-ni gita awareness program-ko ong·atangenba, Rootland Secondary School-ni chatro chatrirangna FCI-ni kamrangko agan-talate on·angaha.
Chatro chatrirangna Tura FCI Food Storage Godown-ni Manager (Depot) MK Mayank, rimchaksoani kattarangko aganangenba, FCI-ni godown-o kam ka·anirangko agan-talate on·angaha.
FCI aro Public Distribution System-ni bidingo agan-talate on·angengon, ma·mong sorkarini PMGKAY, NFSA, PHH, One Nation One Ration card, Targeted Public Distribution System-ni Fortified Rice Distribution, OWS, ICDS, PM POSHAN, MDM aro uandakgipa scheme-rangni giminba FCI-ni official-rang, chatro chatrirangna agan-talate on·angaha.
Ia awareness program-ko ong·atanio dongpae bakko ra·anggipa gipin manderangara, Assistant Depot Manager Laxmikant, Assistant Depot Manager M Kumar, FCI-ni Technical Assistant I Kharumnuid, Rootland Secondary School-ni skigipa Charles Ch Sangma, Chenam Momin aro gipinrang ong·a.
