SHILLONG: Mongolbar salo, Meghalaya a·dokni Chief Minister Conrad K Sangma-ni dilanichi, a·dokni Cabinet minister-rang, a·songni Prime Minister Narendra Modi-ko New Delhi-o grongaha.
Prime Minister-ko grongeanio Chief Minister baksa dongpagipa gipin manderangara, Meghalaya Legislative Assembly-ni Speaker Thomas A Sangma, Deputy Chief Minister Prestone Tynsong, Deputy Chief Minister Sniawbhalang Dhar, Cabinet Minister Ampareen Lyngdoh, Cabinet Minister Kyrmen Shylla, Cabinet Minister Marcuise N Marak, Cabinet Minister AT Mondal aro gipinrang ong·a.
Prime Minister Narendra Modi-ko grongeani ja·man, social media-o parakatengon, Meghalaya a·dokni pilak nanga dakchakanirangko on·engani gimin ua PM Modi-ko mittelpilaha ine Chief Minister Conrad Sangma parakataha.
Iana skangba, Chief Minister Conrad Sangma-ni dilanichi a·dokni Cabinet minister-rang, Union Agriculture Minister Narendra Singh Tomar-ko grongenba, dingtang dingtang nanganirangni gimin agangrikangahachim.
