SWGH-o Farmers Collectivisation Expo-ko ong·ata

AMPATI: Bristibar salo, Meghalaya Basin Management Agency (MBMA) aro South West Garo Hills District Administration nangrimenba, District Level Farmer’s Collectivisation Expo aro Social Security Scheme-rangni bidingo agan-talate on·ani program-ko Garobadha-ni Madhupara Govt LP School kal·chakramo ong·atangaha.Ia Expo-ko ong·atanio, South West Garo Hills a·jani Deputy Commissioner RP Marak, jinmana aganprakangengon, sorkarini on·enggipa dingtang dingtang scheme-rangko ra·na gita Aadhar-ko nangchongmotengani gimin agan-talataniko on·angaha.Sanna bananirangko ra·na gita pangnan doctor-rangonasa re·angchina ku·pattianiko on·angengon, an·tangtangni namgnina skatang sanna bananirangko on·enggipa manderango bebera·jachina gita Deputy Commissioner, songni nokni manderangko didiangaha.Sorkarini ra·gate on·gipa namgnirangko ra·na gita iandakgipa scheme-rangni gimin ma·sie ra·china gitaba ua songni nokni manderangko didiangaha.Ia program-ko ong·atanio Tura State Bank of India (SBI)-ni Lead District Manager C Musahary-ba dongpae jinmana aganprakangengon, bank-ni gita on·enggipa dingtang dingtang scheme-rangni bidingo songni nokni manderangna agan-talate on·angskaaha.Sorkari scheme-rangni bidingo game ge·e cha·giparangna aro dingtang dingtang dolrangna u·iatna, bank-ni kamrangko talate on·na aro game ge·e cha·giparangni bosturangko palna sim·na cholrangko on·na gita miksonganio ia Farmers Collectivisation Expo-ko ong·atangaha.