Kacharini kamrangni bidingo awareness program-ko ong·ata

TURA: Kacharini kamrang, chong·motan ainni bidingo chatro chatrirangna agan-talate on·na gita Sukrobar salo, West Garo Hills District Legal Services Authority (DLSA), Tura Don Bosco College-ni Political Science Department baksa nangrime Legal Awareness Program-ko ong·atangaha.
Ia program-ko ong·atanio Traffic-ni niamrang, MV Act, NDPS Act, POCSO, Free Legal Service, Lok Adalat, Mediation aro Mental Health-ni bidingo DLSA aro dingtang dingtang official-rang, Don Bosco College-ni chatro chatrirangna agan-talate on·angaha.
Ia program-ko ong·atanio DLSA-ni Chief Legal Aid Defence Councel Rania K Marak, POCSO Act-ni bidingo agan-talate on·angaha aro Mental Health-ni bidingo Narbecca G Momin agan-talate on·angskaaha.
Ia program-ko ong·atanio dongpae jinmana aganprakanggipa gipin manderangara, Tura Bar Association-ni Advocate Jeriko R Marak, Tura Bar Association-ni Advocate Grangchira Ch Marak aro Tura Don Bosco College-ni Principal Fr Bivan Rodriques Mukhim ong·a.