Friday, April 4, 2025

Sorkari officer-rangni foreign a·songrangona songreani cholko sorkari komiata

Date:

Share post:

SHILLONG: Sorkari officer-rangni aro contractual employee-rangni foreign a·songrangona songreani cholko komiatna gita a·dok sorkari tik ka·angaha.

Meghalaya a·doko tangka paisani gita neng·nikanirangko chagrongna nangkuengani gimin sorkari officer-rangni foreign a·songrangona songreani cholko a·dok sorkari, bilsio changgniona komiatna tik ka·angaha.

Iani bidingo kobor ra·timgiparangna talataniko on·angengon, sorkarini je officer-rangba aro contractual employee-rangba bilsio changgnina bate foreign a·songrangona songrena chol man·jawaha ine Sukrobar salo, a·dokni Cabinet Minister Paul Lyngdoh parakataha.

Lyngdoh-ni parakatani gitade, bilsio changgni songrena cholko on·enggipaoni changsanade a·dok sorkari dakchake on·gen indiba changgipinnade ma·mong sorkari ba external agency-rang korosko gamskagen.

A·dok sorkarini pal, award-rangko ra·chakna re·anggenchimode, uandakgipa official-rangna sorkari mikkang niani dongskagen ineba Minister parakataha.

“A·doko tangka paisani gita neng·nikanirangko chagrongna nangengani gimin aro sorkari officer-rangna sualgrike cholko on·na nangengani gimin Cabinet, ia ja·kuko de·na tik ka·aha,” ine Lyngdoh aganaha.

Sorkari officer-rang gnigipa changna foreign a·songrangona re·angna nanggenchimode, ua skanggipa songreani report-ko sorkarina on·chengna nanggen aro uni report-ko sorkari ra·chakna man·a ong·ode, uni gnigipa songreanganikoba sorkari ra·chakgen ineba ua aganaha.

Cabinet minister-rangnaba ia apsan niamkon ja·rikgenma ine sing·skaon, Minister-rangni songreanide External Affairs Ministry-ni ra·chakaniosa pangchakaigen ine Lyngdoh parakataha.

Related articles

M’laya committed to finding peaceful resolution: Conrad

Meghalaya-Assam border talks 2.0 From Our Correspondent NONGPOH, April 3: Chief Minister Conrad Sangma on Thursday acknowledged the complexities...

Awaiting word from Assam for joint inspection: Nongpoh MLA

By Our Reporter SHILLONG, April 3: Nongpoh MLA Mayralborn Syiem on Thursday said that the state government is awaiting...

Tendulkar visits M’laya on private trip with family

By Our Reporter SHILLONG, April 3: Legendary Indian cricketer, Sachin Tendulkar, is currently on a private visit to Meghalaya...

MSPCB to reinspect proposed coke plant site amid opposition from EJH village

By Our Reporter SHILLONG, April 3: The Meghalaya State Pollution Control Board (MSPCB) on Thursday assured a delegation from...