TURA: India a·songni jakgitelko man·aoni bilsi 75-ko manina gita ma·mong sorkarini ong·atenggipa ‘Azadi ka Amrit Mahotsav’-ni bak gita Tura-o donggipa 120 Battalion CRPF-ni sipairang, Garo Hills-ni chadamberang baksa Robibar salo, bike rally-chi ‘Har Ghar Tiranga’ campaign-ko ong·a-tangaha.
Ia bike rally-ko ong·a-tanio mikkarang wagen-chimode Garo Hills-ni bang·bea chadamberang, gisiko nangbee bak ra·angtokaha aro uandaken ia bike rally-o bol 50-mangni gita bike-rangko saljome, manderangna ‘Har Ghar Tiranga’-ni bidingo agan-talataniko on·angtokaha.
Ia bike rally-ko 120 Bn CRPF-ni Commandant Pramod Kumar Singh, Tura-o donggipa 120 Bn CRPF headquarter-oni a·bachengataha aro ia bike rally-o bak ra·gipa A·chik chadamberang, August 13 tarikoni August 15 tarikona noktangtango a·songni nisanrangko songdochina gita manderangko di-diangaha.
Ia bike rally-ko mat-chotatanio, bike rally-o bak ra·gipa manderangko CRPF-ni sipairang aro dingtang dingtang dolrang rimchaksotokaha.
