SHILLONG: Re·baenggipa November 17 tarikoni 19 tarikona Shillong songjinmao ong·atna sienggipa Cherry Blossom Festival-ona mingsinggipa Irish singer Ronan Keating re·baenga ine kobor on·aha.
Koborko on·ani gitade, ia bilsini Cherry Blossom Festival-ona re·bae gitrangko ring·e mesokangna sienggipa gipin mingsinggipa singer-rangara, Pink Panda, Jonas Blue, Hybrid Theory aro Kenny Musk ong·a.
Ia bilsini Cherry Blossom Festival-o gitrangko ring·na sienggipa joltangni singer aro band-rangara, Lou Majaw, Snow White, Da Minot, Summersalt aro gipinrang ong·skaenga.
Iani bidingo kobor ra·timgiparangna talate on·angengon, ia chang Shillong Cherry Blossom Festival-ni mongsonggipa program-ko Ri Bhoi a·jao ong·atgen aro biapkode ja·mano talbate u·iatgen ine a·dokni Tourism Minister Paul Lyngdoh parakataha.
Shillong Literary Festival-ko November 14 tarikoni November 16 tarikona ong·atangskagen ineba Tourism Minister parakataha.