SHILLONG: Meghalaya a·dokni dingtang dingtang biaprangoba Conjunctivitis ba mikron saaniko man·tokengani gimin an·tangtangko simsake rakkichina gita East Khasi Hills a·jani District Medical & Health Officer, mikrakataniko on·angaha.
Mawlai Mawroh Community Health Centre (CHC)-o salsani gisepon sak 20 manderang Conjunctivitis ba mikron saaniko man·ahani gimin an·tangtangko simsake dongchina gita sorkari u·iataha.
Ia saani bidingo manderangna talataniko on·angengon, ia mande saksaoni sakgipinona ta·rake batninggipa sabisi ong·a aro mikron saa donggipa mandeko uni mikrono nitaton, ia saaniko man·na gita amaia ine Medical official parakataha.
DM&HO-ni u·iatani gitade, Conjunctivitis saaniko man·on, ua mandeni mikron gitchakgen, mikronrang ripomgen, mikrononi mikchirang ong·katjringgen, mikrono sa·dikaniko man·gen, ka·kitgen aro pringo chakaton uni mikronrangko oningna man·jawa.
Ia Conjunctivitis saaoniko an·tangtangko chel·chake rakkina gita pangnan jakrangko sabonchi jaksujringchina aro an·tangtangko rongtal an·tale rakkichina gita Health officer u·iataha.
Mikron saaniko man·on, nokoni ong·katgija aro sakgipinrangni sambaona re·bagija dingtang noko nape dongchina gita DM&HO u·iataha.
Mikron saani chinrangko salbonga ba una bate man·genchimode doctor-ona re·ange sanna bananiko ra·china gitaba ua u·iataha.
