U·IATTIMGIPAONI
TURA: Tripura a·dokni Tribal manderangna dingtang a·dokko dabie, Delhi-o jingjengatanio Garoland State Movement Committee (GSMC)-ni membor-rangba bakrimaniko on·angaha.
Ia jingjengataniko Budbar salo, Indigenous People’s Front of Tripura (IPFT), New Delhi songjinmani Jantar Mantar-o dakdilangaha aro ia jingjengatanio GSMC-ni chairman aro Garo National Council (GNC)-ni MDC Nikman Ch Marak, GSMC-ni advisor Roger Benny A Sangma aro GSMC-ni additional general secretary Bostone Sangma-ba bak ra·angaha.
Koborko on·ani gitade, ia jingjengataniko National Federation for New States (NFNS)-ni ning·o ong·atangaha aro ia NFNS-o GSMC-ba bak ong·paengachim.