U·IATTIMGIPAONI
SHILLONG: Meghalaya State Council of Technical Education, Shillong-na saksa full time secretary-ko rakkina gita Sukrobaro A·dok Cabinet-o ra·chake donaha.
A·doko da·odipet Shillong, Tura aro Jowai-o Polytechnic-rang dongan baksa gipin ge·brina miksonge dongiminba dongahani gimin namgni ong·na gita saksa full time Secretary-kode nangengaha.
Indake ong·engon, da·o ong·enggipa DHTE-ni Additional Director, A Ali, jean bang·gija somoini gisepon kamoni neng·taknasiengahachim, ukon mikkang bilsi gnina MSCTE-ni skanggipa full time Secretary songna gitaba cabinet-o chanchi tik ka·angaha.
MBOSE-na saksa Executive Chairman-ko songna gitaba Cabinet-o ra·chakaha, uandake CP Marak, IFS (Retd.)-ko mikkang ja 12-na Executive Chairman dake songna gitaba tik ka·e donangaha.
Unomitingo, Ripnar Lyngdoh IAS (Retd)-ko Meghalaya State Information Commission-ni State Information Commissioner dake rakkitaina gitaba Cabinet-o ra·chake donaha.
Indake ong·engon, Captain Williamson Sangma Technical University-ko Captain Williamson Sangma State University ine mingskana gitaba Cabinet ra·chake donangaha.
Meghalaya Judicial Service Rules, 2006 aro Meghalaya Higher Judicial Service Rules, 2015-ko taridapgiminkoba Cabinet ra·chakaha.
Judicial Officer-rangko Commission-chi recruitmentment-ko dakjawaha, Cabinet-o ra·chakgimin gita da·ode recruitment-ko Meghalaya-ni High Court-sa dakanggnok.