U·IATTIMGIPAONI
SHILLONG: Meghalaya Legislative Assembly-ni autumn session re·baenggipa September 15 tarikoni a·bachenge September 22 tariko matchotegen.
Iani bidingo Business Advisory Committee (BAC), Butbaro uamangni tom·anio chanchie tik ka·aha.
Tom·ani ja·mano iani bidingo parakatengon, salbongana ong·atenggipa Assembly Session-o, salgittamo government businesse-ni aro salgnio private members’ business-ni bidingo chanchirimanggen ine Assembly Speaker, Thomas A Sangma aganaha.
Uni parakatani gitade, September 15, 20 aro 22 tarikrango government business-ni bidingo aro September 19 aro 21 tarikrango private members’ business-ni bidingo chanchirimanggen.
