U·IATTIMGIPAONI
TURA, Sep 1: July 24 tariko Tura-o golmal ong·gipana A’chik Conscious Holistically Integrated Krima (ACHIK)-ko pilak kamrangna dosi potanga, BJP dolni Mahila Morcha-ni dilgipa Rakhi K. Sangma jean Tura-ni Mini Secretariat-o mande jinma golmal ka·gipa baksa jak dongpanio rim·a man·gipa segipa organisation-ni dilgiparangko rim·ako nangnike DGP Lajja Ram Bishnoi-na mol·molani dorgasto-ko seaha.
Balwan M Sangma named Laben Ch Marak, Bernitha Marak, Balkarin Marak, Greneth M Sangma aro adita sakgipinrang jemangan jegalanio bak ra·angna manderangko didianganina rim·na nanggiparang jeon dal·begipa golmalko bon·kamao ong·katatanina ine DGP-na uni mol·molani dorgasto-o see janapataha.
Mija adita salrangna skang Sangma dilgiparangni kosako uamangkoba rim·na nanga ine badi ka·e dabiangaha. Matnangatgipao police dol baksa kam ka·angna DGP-na gital dake mol·molani dorgasto-ko Sangma on·angtaiaha.
August 11 tariko mongsonggipa dilgiparang Laben Marak, Bernitha Marak aro Balkarin Marak-ni nichaksogipa jaminko kachari on·a jechakataha, jeon adita jarang ong·angpilenga indiba dilgiparangko rim·a dongjanina ian jagokani ong·enggipako Sangma uni mol·mola dorgasto-o janapataha.
Sangma-ni parakatani gitade, ian rasong gribeani jeon bang·gijagipa manderang jemangan dilgiprangna chakpaaniko on·a re·anggipa manderangko rim·aha indiba okumu chake a·sol ong·atgiparang jemangan chakpaaniko nangnike manderangko okamataha uamangnade jamin-koba man·jaenga.
Dilgiparangni chakpaaniko nangnike okamatani ja·man a·selni bakona ua re·anganina mangmang a·sel ong·ao uni jikgipa jang·nangdikako man·paaha ine Sangma aganangaha.
