U·IATTIMGIPAONI
Tura: Garo Hills-oni Homeopathic doctor-rang, jemangkon poraina gita sorkari, state quota-ni kosako seokahachim, uamang Sonibar sal September 2 tariko Chief Minister Conrad Sangma-ko permanent post-rangko bikotchina mol·molangaha.
State quota-ni gita uamangni education-o chu·gimik dakchakaniko on·anina a·dok sorkariko mittelange, doctorrang uamangni chagrongenggipa neng·nikarangko nirokatchina mol·molangaha.
“Dingtang dingtang hospitals, Community Health Centres (CHC) aro Primary Health Centre (PHC)-rango bonded Homeopathic Doctor-rangna permanent post-rangko bikotchina chinga mol·molaniko janape,” doctorrang Sonibar salo memo-ko on·aha.
A·dok sorkari, bilsi 2014-2015-o bon·kame recruitment ba kamna manderangko ra·aha. Jekon MPSC-ni gita porikkako seate sakbri manderangna kamko on·aha.
“Chingni BHMS poraianiko chinga bilsi 10 skangan matchotjok, a·dokni seokako man·genchimoba chingna permanent post-rangko on·kujaenga. Uni gimin chingna permanent post-rangko bikotchina mol·molaniko on·aha.”
Doctorrang- Sebarani T Sangma, Neliva W Momin aro Alan Marak- uamang Garo Hills a·jaoni gimik doctorrangni palo memo-ko on·aha.
