U·IATTIMGIPAONI
SHILLONG: BJP, election changantion cha·bokaniko champengna bilake kattarangko aganronga indiba election matchotaon party, MDA sorkari baksa bakrimna ba chakpaaniko on·na somoikon ra·ja. Bilsi 2018 Assembly poll-oba NPP aro BJP-ni gisepo aditan nanggrikaniko nikna man·angaha.
Uandake cha·bokani gimin janapatengon, BJP-ni dilgipa aro Cabinet Minister AL Hek indine aganaha, “party maming saloba cha·bokaniko ra·chakjawa, pangnan cha·bokani kosako kam ka·gipa ong·a.”
Uandake MDA 1-ni tenure ba somoio nakatgipa cha·bokanirangni gimin Hek-ko sing·on, “Minister, kobor ra·timgiparangko cha·bokani sakkiko ra·bachina ba mesoke on·china aganskaha.”
Ma·mongni Home Minister Amit Shah aro Prime Minister Narendra Modi- uamangan Meghalaya a·doko cha·bokani batgipa a·dok ine janapatahani gimin kobor ra·timgiparangni sing·anina Hek, indine aganaha, “National-ni dilgiparangni sepango anga bilongen chonbegipa dilgipagipasan ong·aia, uamang election-o maidakgipa kattarangko agana, iani gimin anga mamingkoba aganchakna man·jawa.”
