U·IATTIMGIPAONI
Nongpoh: R-Bhoi a·jani Shangbangla-o Guwahati-oni Shillong-ona songrebagipa mandeo pekgipa samrang donga ine chanchishipe Anti Narcotics Task Force (ANTF) dol rim·aha. Sing·sandianiko dakanio Mr. Nurul Huda jean Assam a·dokni Nagao-oni ong·a ine ma·siangaha.
Intelligence-ni ku·pattiataniko authority-rang man·soani ja·man am·sandianiko dakna eg·etaniko man·angaha jeon Guwahati-oni Shillong-ona songrebaenggipa Mr. Nurul Huda champenggipa pekgipa samrangko ra·bitbaenga ine koborko man·soaha. Koborrangko man·soe ANTF dol songrebagipa garirango gadogipa manderangoniko check point-o sandianiko dakaha aro attam 2:13 bajimango uamang chanchichipgipa Mr. Huda baksa songrebagipa gariko dondipate sandiaha.
Mr Karim Newaj sagini Mr. Nurul Huda depangtegipa ong·a aro ua Assam-ni Near Telia Bebejia, Nagao, Juria-oni ong·a, champenggipa pekgipa samrangko sabon box ge-3-oniko man·aha. Ua biapon mandeoniko sandiaha, am·sandimiting somoio sakkina mande dongchapaha.
Am·sandimiting somoio, ANTF dol a·songni champenggipa pekgipa chanchichipgipa samrangko sabon box ning·oniko gram 29.2-ko man·aha. Chanchichipe rim·gipa samrangko porikka ra·e niaha jeon heroin-ni dongako rim·a man·aha. Ia am·sandiangani gitade, niam reti-ni officer-rang champenggipa samrangko ge·sa mobile phone baksa rim·aha aro Narcotic Drugs aro Psychotropic Substance (NDPS) Act baksa dongimin niamo Mr. Nurul HUda-ni kosako mamlako segatgen.
Ia ong·enggipa obostrangni bidingo am·sandidapangenga aro ia a·bao dal·begipa drugs badingsrukgipa kam ka·anirangko sandina jedakgipa kamo jak dongpagiparangko rim·na jotton ka·enga.
