U·IATTIMGIPAONI
SHILLONG: Jaintia Student’s Union (JSU), Ayush Kumar-ko a·dokni permanent resident ba songdongkamgipa ong·ja ine agane una on·gipa MBBS seat-ko bon·atchina A·dokni Health Minister, Ampareen Lyngdoh-ko mol·molataha.
Health Minister-na seatgipa chittio JSU General Secretary TR. Suchen, a·dok sorkariko Ayush Kumar-na on·gipa ba tikatgipa state quota-ko bon·atchina mol·molataha. Ayush Kumar, Meghalaya East Jaintia Hills District-ni Thangskai songoni songdongkamgipa ong·ja ine JSU aganataha.
“Thangskai songni Headman ba Nokma baksaba chinga Ayush Kumar-ni gimin agangrikaha, unon Ayush, Thangskai songo dikdiksanasan donggipa ong·a, ua songo songdongkamgipa ong·ja, uni ma·a-paaoni saksa songni Cement company-o kam ka·enga, uni giminsa Nokma, una jadokni certificate-kosan on·aha, ine JSU aganaha.
“Uni gimin Ayush Kumar-na Meghalaya a·dokni seat quota-o on·gipa MBBS seat-oniko uni bimingko ra·galchina nangnika, uni palo a·dokni mandena on·skana nanga.”
“Authority-koba candidate-rangni chu·gimik document-rangko name dake nichina gita mol·molata, jedakode darangba ong·gija ba kragija certificate-rangko jakkalna man·jawa, ine JSU aganataha.
