U·IATTIMGIPAONI
Tura: Rajabala jolni manderang, uamangni dilgipa MLA Dr. Mizanur Kazi-ni dilanio Mongolbar salo West Garo Hills (WGH)-ni deputy commissioner Jagdish Chelani, C&RD Blocks Selsella aro Demdema-ni official-rangko gronge uamangni jolo job card-ni bidingo chagrongenggipa neng·nikanirangko u·iatangaha.
Jolni manderangni chagronggipa neng·nikarangko knachakchina gita MLA, official-rangko grongdile agangrikna mol·molatani ja·man meeting-ko ong·atangaha.
Jolni manderang uamangni dilgipa MLA baksa, DC office-ni official-rangko grongaon uamangni constituency-ni ning·o ga·akgipa Block ge·gnion dingtang dingtang VECs-ni tangkarangko man·jaengani gimin u·iataha. Block-o kam ka·anirang tik ong·jani giminba aganaha. Iarangko knaani ja·man DC, mamlako nirokatna gita ku·chakaha. Indake chu·gimik kamrangko tik ong·aona ra·bapilna sal 30 somoiko bi·aha.
Iarangni gisepo jolni manderang, gital VEC memborrangko seokna gita, gitcham VEC memborrangko maming u·iatsoa gri ra·galaniko namnikjae ian constitution-ni kosako ong·a ineba agantokaha.
Batanggimin bilsi gnio matchotgipa kamrangnaba tangka man·kujaenga. Gital kamrangnaba namen neng·nikako man·enga, iana C&RD Block office-ona chingni VEC representative -rang baksa sing·sandina re·anggenchimoba maming dakchakaniko man·jaenga ine jolni manderang meeting-o aganaha.
Mongolbar salo Tura Circuit House-o ong·atgipa meeting ba tom·anio constitutency-ni bang·a VEC representative-rangba bakko ra·angaha.
“Bang·a VEC-rangko seokanion maming election-ko ong·ata dongja, iako nirokatna nangenga ine jolni MLA Mizanur aganaha.
