U·IATTIMGIPAONI
Shillong: A·dokni Animal Husbandry aro Veterinary Minister, AL Hekni dongpaanio, Directorate of Dairy Development mijalo “Milk Transportation aro Testing vehicles (Under NPDD)” -ko a·dokni dol 18 Dairy Co-operative Society-rangna Central Dairy Campus, Mawiong, Shillong-o pakwatataha.
Garirangko pakwate on·ani somoio jinmana aganprakengon, a·doko dairy farm-rang da·o tang·dobaengaha, unigimin dutrangko bang·bate man·na gita aroba an·tangtangon chu·onge man·na amna gita dairy farm-rangko daktokchina Minister, manderangko didiaha. A·doko dut man·aniko bang·batatna aro chadamberangna kamrangko nakatatna man·na gita sorkari baksa bakrime kam ka·china gitaba Minister, private sector-rangko didiaha.
Program ong·atani somoio Animal Husbandry aro Veterinary Minister, Dairy Co-operative Society-rangna gari chabirangko pakwataha aro garirangkoba watchakate on·aha.
Tom·anio, A.H aro Veterinary Department-ni Seretary, Dr Manjunatha C aro Dairy Development Director L S Shangpliang-ba dongpaaha.