U·IATTIMGIPAONI
TURA: Dadenggre Western Zone North-ni GSU, Bristibar salo, MTET matchotgipa candidate-rang biaptango ta·rake kamo rakkianiko nangnike dabianganio chakpaaniko on·angaha, apsan somoio sing·anganiba nakataha, Civil Sub-Division-o kamo rakkiangna maina ruutatenga.
“Kamo rakkina Advertisement-ko nakatatna authority-rangni gita maina ja·man chaktaenga, iani bidingo chinga SDSEO-ni gita aganchakanniko nangnikenga. Chingni jrip dongani miksonganide chinga department-na chu·onga gita somoiko on·enga jedakode chingni skang sandiatgipa MTET chu·sokgipa candidate-rangna man·a nanggipani bidingo aganchakangna man·gen,” ine union aganangaha aro uamang jripjrip dongangjawaha ine mikraktaniko on·angaha.
Tura, Baghmara, Ampati aro Khasi aro Jaintia Hills biaprango kamo rakkiani skanggipa phase-ko matchotaha aro sing·anide, Dadenggre-o maina ia apsan kamrangko ka·angna ja·manchakatenga ine union jaksi ote mesokangaha.
MTET chu·sokgipa candidate-ni skanggipa batch-na gital dake kamo rakkianiko gital daktaichina union dabiangaha aro man·a dipet nangchongmmotgipa ja·kurangko ta·rake ga·angchina authority-rangko mol·molangaha.