U·IATTIMGIPAONI
TURA: India a·songni Prime Minister Narendra Modi-ni chang 73-gipa atchiani salko maniani bak gita Sonibar salo, Garo Hills-ni Bharatiya Janata Party (BJP), dingtangmancha social media meet-ko ong·atangaha aro unbaksana dingtang dingtang biaprango kam ka·enggipa police-rangna aro BJP-ni worker-rangnaba cha·anirangko suale on·angaha.
BJP-ni regional office-o dingtangmancha program-ko ong·atanio West Garo Hills, South West Garo Hills, Tura city district aro Mahila Morcha-ni membor-rangba bakko ra·angtokaha.
Social media meet-ko ong·atanio BJP-ni state vice president aro Tura-ni MDC Bernard N Marak baksana dingtang dingtang dilgiparang, BJP-ni membor-rangna aganprakatengon, maikai party-tangko mangrakbatatna man·gen aro maikai songadam nokadamrango BJP-na kam ka·enggipa manderang kamrangko ka·dilna man·gen, uarangni gimin chanchirimdilangaha.
