U·IATTIMGIPAONI
SHILLONG: Ra·chakgimin ong·gijagipa sam badinggiparangoniko sam-dawairangko dam rakbate breani bidingo chanchipanirang dongengani gimin CAG report-o sandianiko dakchina gita a·dok sorkarina didianiko on·genchimoba, inquiry-ko dakatani ba sandiataniko dakatani dongjawa Health Department-oni parakaha.
Central Purchase Board (CPB)-ni gita ra·chakgiminoniko breana bate mongsonggipa minggni samrangko gipinoniko dam rakbate breengani gimin Comptroller and Auditor General (CAG) bebera·na ba ra·chakna man·gijaniko parakahachim. Directorate of Health Services (DHS), an·tangan an·tangon kenanio ga·akataha, maina uamang kakketko mesoke on·na man·ja, jeon lak 87 mangni gita korosrangkode government department-ko naljokatna man·genchim.
CAG-ni chanchichipgipani bidingo aganengon, ia obostarangko department ma·sia, unigimin indakgipa samrangko maming dongnuani gri somoi gita sokatchina gita Meghalayan Medical Drugs & Services Limited-ko aganaha je Health Minister, Ampareen Lyngdoh aganaha.
“Indakgipa obostarangko skangoba changni chang chagrongaha, jekon 2019-oba indakgipa ong·aniko nikaha,” Lyngdoh aganaha.
“Unigiminan samrangko aro gipin sana banani kolrangko ra·baaniko MMDSL, 2023-onin dakengjok,” Lyngdoh parakaha.
Chanchichipenggipa kamrangko department sandiatgenma ine sing·on, Department nanga kamrangko an·tangan ka·gen ine Ampareen Lyngdoh aganaha.
